1. Omnes qui plus poterant in palatio, adulandi professores
jam docti, recte consulta, prospereque completa vertebant in
deridiculum: talia sine modo strepentes insulse; in odium
venit cum victoriis suis; capella, non homo; ut hirsutum
Julianum carpentes, appellantesque loquacem talpam, et
purpuratam simiam, et litterionem Graecum: et his
congruentia plurima atque vernacula principi resonantes,
audire haec taliaque gestienti, virtutes ejus obruere verbis
impudentibus conabantur, ut segnem incessentes et timidum et
umbratilem, gestaque secus verbis comptioribus exornantem.
Ammianus, xvii. 11.